په کابل کې د ایرنا خبري آژانس د خبریال له مخې، د افغانستان د سرپرست حکومت ویاند ذبیح الله مجاهد نن یکشنبه د سلواغه ۲۸ مه په خپله ایکس پاڼه لیکلي: د کندهار- هرات د اوسپنې پتلۍ ۷۳۷،۵ کیلومتره پروژې د تفصیلي سروې او ډیزاین چارې پیل شوې.
ده زیاته کړه: د دې زیربنایي پروژې په تکمیل سره به د افغانستان له لارې ترکمنستان او ایران له پاکستان سره د اوسپنې پټلۍ له لارې وصل شي. د مجاهد په وینا: دا له تجارتي او ترانزیټي پلوه مهم اقتصادي ګام دی.
د ایرنا د خبر له مخې، د هرات-کندهار د اوسينې پټلۍ د طرحې اړوند پنځه قراردادونه د سلواغه په ۱۸مه د ټولګټو وزارت او خصوصي سکتور ترمنځ لاسلیک شول.
د پیغام پای/
Your Comment