په کابل کې د ایرنا خبري آژانس د خبریال له مخی، د سرپرست حکومت د صنایعو او سوداګرۍ وزارت چارواکو یکشنبه د تله په ۲۲ مه په یوه خبرپاڼه کې اعلان وکړ چي د افغان -قزاق نړیوال نندارتون د قزاقستان هېواد د آلماتا په ښار کې جوړ شي او پدې نندارتون کې د افغان ګډونوالو غرفې د صنعت او سوداګرۍ په وزارت کې د سکتوري خونو او د هېواد د غالیو تولیدونکو او صادرونکو د اتحادیې د استازو په حضور کې د رڼې پچې اچونې له لارې مشخصې شوې.
دغه نندارتون به د سوداګریز تواصل کانفرانس، د محصولاتو او افغاني تولیداتو نندارتون، سوداګریزې ناستې او د دواړو هېوادو د چارواکو تر مینځ د دوه اړخیزه ناستې له ځان سره ولري.
ټاکل شوې ده چې د افغان- قزاق دغه سوداګریز نندارتون به د ۲۰۲۴ زېږدیز کال د اکتوبر له ۱۹ څخه تر ۲۲ نېټې پورې چې د ۱۴۰۳ لمریز کال د تلې(میزان) له ۲۸ مې څخه د لړم(عقرب) تر لومړۍ پورې راځي، د قزاقستان د آلماتا په ښار کې د افغانانو په فعال حضور او له بېلابېلو سکتورونو څخه په ۶۷ غرفو کې د افغاني محصولاتو او تولیداتو په نمایش سره جوړ شي.
د پیغام پای/
Your Comment