په کابل کې د ایرنا خبري آژانس د خبریال له مخې، د افغانستان د سرپرست حکومت د بهرنیو چارو وزارت د ویاند مرستیال حافظ ضیا احمد نن سه شنبه د سلواغه ّپه ۳۰مه وویل د ایران د اسلامي جمهوریت د سفارت سرپرست علیرضا بیګدلي د دغه وزارت له سرپرست مولوي امیر خان متقي سره په کتنه وکړ.
په یاده لیدنه کې د دوه اړخیزو اړیکو په پیاوړتیا او په بېلابېلو برخو کې د ګډو همکاریو پر پراختیا ټینګار وشو.
متقي او بېګدلي په سوداګریزو او اقتصادي برخو کې د تجارتي راکړې ورکړې په آسانتیا، د دواړو هېوادونو سوداګرو او پانګهوالو ته دسهولتونو رامنځته کول، د ترانزیتي دهلېزونو د پراختیا او د دواړو هېوادونو د اړوندو بنسټونو د ښه کولو په اړه بحث وشو.
دواړو لورو همدا راز د روغتیا او کرنې په برخو کې د همکاریو د زیاتولو او د تجاربو د تبادلې په اړه خبرې وکړې.
په دې لیدنه کې د انرژۍ اړوند موضوعات، لکه د برېښنا تأمین او په تخنیکي همکاریو پراختیا هم مطرح شول.
د ایرنا د خبر له مخې، د ایران د اسلامی جمهوریت سفارت هم په یوه خبرپاڼه کې ویلی دی چې علیرضا بیګدلي د سیاسی او اقتصادی سلامشورو په لړ کې د افغانستان د بهرنیو چارو له سرپرست وزیر مولوی امیر خان متقي سره د تجارت، ټرانسپورټ، روغتیا او طبی مسائلو، کرنې، بریښنا او د سیاسی ملګرتیاو په مختلفو موضوعاتو خبرې اترې وکړې.
د پیغام پای/
Your Comment