په کابل کې د ایرنا خبري آژانس د خبریال له قوله، د ملي دفاع وزارت سرپرست مولوي محمد یعقوب «مجاهد» چهارشنبه د چنګاښ په ۲۰ مه په کابل کې د جاپان له سفیر تاکایوشي کورومایا سره وکتل.
د ملي دفاع وزارت سرپرست د دغه هېواد له مرستو څخه د مننې په ترڅ کې د دواړو هېوادونو تر منځ د اړیکو د ټینګښت یادونه وکړه او ویې ویل: اسلامي امارت له ټولو هېوادونو سره د اړیکو ټینګول غواړي.
د جاپان سفیر د نړیوال امنیت او له نشه یي توکو سره د مبارزې په برخه کې د اسلامي امارت د کړنو ستاینه وکړه او ویې ویل: جاپان د افغانستان له خلکو سره د روغتیا، کرنې، پوهنې او نورو برخو کې خپلو همکاریو ته ژمن دی.
د پیغام پای/
Your Comment