د ایرنا خبري اژانس د راپور له مخې؛ د ایران د بهرنیو چارو وزارت حقوقي او نړیوال مرستیال «کاظم غریبآبادي» نن جمعه د غويي په ۲۶مه د ایکس ټولنیزې شبکې یو کاروونکي د اندېښنې په ځواب کې لیکلي: زموږ مذاکره کوونکي اړخونه ښه پوهیږي چې د ایران اسلامي جمهوریت به هیڅکله هغه لاسته راوړنه چې د شهیدانو په وینو او ډېرو لګښتونو یې ترلاسه کړې، د پخلايني وسیله ونه ګرځوي!
هغه ټینګار وکړ: د غني کولو حق زموږ قطعي سره کرښه ده! په غني کولو کې هیڅ وقفه د منلو نه ده.
د ایرنا د راپور له مخې، له دې وړاندې، په ایکس شبکې کې یو کاروونکي لیکلي وو: «ښاغلی غریبآبادي! هسې نه چې د غني کولو وقفه په هر اندازه او هرې مودې لپاره ومنئ! ډاډه اوسئ چې امریکا په داسې ژمنو کې صادقه نه ده.»
له دې وړاندې، د ایران د سوله ایز اټومي غني کولو د درولو په اړه د ایران او امریکا ترمنځ د احتمالي هوکړې په صورت کې اوازې خپرې شوې وې.
د خبر پایله.
Your Comment