په کابل کې د ایرنا خبري آژانس د خبر له مخې، د بامیان ولایت له طبیعي پیښو سره د مبارزې ریاست چارواکو نن یکشنبه د سلواغه ۲۸مه په یوه خبرپاڼه کې اعلان وکړ چې د CWSA موسسې له طبیعي پیښو سره د مبارزې له ملي ادارې سره د لاسلیک شوي تفاهم لیک پر بنسټ په یکاولنګ نمبر ٢ ولسوالۍ کې له ۹۰۰ زیانمنو او مستحقو کورنیو سره مرسته وشوه.
خبرپاڼه زیاتوي: په ټولیز ډول پر ۹۰۰ کورنیو دوه میلیونه ۶۲۸ زره افغانۍ ویشل شوي دي. په پام کې ده چې دغه کورنۍ په راتلونکو دوو میاشتو کې د CWSA د ژمنیو نغدي مرستو تر پوښښ لاندې راشي.
د ایرنا د راپور له مخې، دوه میاشتې مخکې د بامیان ولایت د یکاولنګ په ولسوالۍ کې پر ۳۰۰ کورنیو نغدي مرسته وویشل شوه چې هرې کورنۍ لپاره ته څه باندې ۲۱ زره افغانۍ وه.
د پیغام پای/
Your Comment