په هرات کې د ایرنا خبري آژانس د خبریال په وینا، د هرات د والي ویاند یوسف سعیدي نن شنبه د لیندۍ په ۱۰مه په خپله ایکس پاڼه لیکلي: په دغه ولایت کې د پولیو واکسین د کمپاین نوی پړاو د اطلاعاتو او فرهنګ وزارت د مرستیال مهاجر فراهي او دهرات ولايت د والي مرستيال په حضور کې پیل شو.
د روغتیايي چارواکو د شمېرو له مخې په دې موده کې په هرات ښار او ولسوالیو کې ۷۵۸ زره هغه ماشومان چې عمرونه یې له پنځو کلونو کم دي به واکسین ترلاسه کړي.
د ایرنا د راپور له مخې، په هرات کې د پولیو د واکسین دغه پړاو په داسې حال کې پیل شوی چې درې میاشتې مخکې په دغه ولایت کې د پولیو درې مثبتې پېښې ثبت شوې وو.
د پیغام پای/
Your Comment