په کابل کې د ایرنا خبري آژانس د خبریال له مخي، د نیمروز ولایت د رسنیو دفتر نن یکشنبه د تله ۱۵ مه په یوه خبرپاڼه کې ویلي، چې د دغه ولایت والي شیخ محمد قاسم خالد د قرانکریم د حفظ په مناسبت جوړو شویو مراسمو کې ګډون کړی و چې په ترڅ کې یې ۱۰ تنه بندیان د قرانکریم د حفظ پروګرام څخه فارغ شول.
د نيمروز والي وويل: په زندانونو کې د سختو سزاګانو پر ځاى اوس بنديان د قرانکريم په حفظ او اصلاحي زده کړو بوخت دي. خالد زياته کړه: زندان د محکومينو د اصلاح لپاره یو اصل دي، بنديان بايد په تقوا او صداقت ژوند وکړي او له خپلو استادانو يې زده کړي.
د نيمروز والي د بنديانو ته په خطاب کې وويل: تاسو د محکمې د پرېکړې پر بنسټ بنديان شوي ياست او بايد په اخلاص توبه وباسئ او په راتلونکي کې له ورته کړنو څخه ډډه وکړئ.
د نیمروز والي د لازمو اسانتیاوو برابرول او د دوی مهمې اړتیاوې پوره کول د اسلامي امارت دنده وګڼله او د هر ډول همکارۍ ډاډ یې ورکړ.
د پیغام پای/
Your Comment