په کابل کې د ایرنا خبري اژانس د خبریال په وینا، د پروان ولایت د والي ویاند حکمت شمیم نن چهارشنبه، د وری ۱۳مه، په خپله ایکس پاڼه کې لیکلي چې د سرپرست حکومت اداري مرستیال مولوي عبدالسلام حنفي او د مخابراتو او تکنالوژي وزارت سرپرست وزیر مولوي نجیب الله حقاني پروان ته د سفر په ترڅ کې د دې ولایت له والي سره ولیدل.
په دې غونډه کې د اداري، اقتصادي، پرمختیایي، ټولنیزو او امنیتي چارو د پرمختګ او همدارنګه د پروان اوسیدونکو لپاره د مخابراتي خدماتو ته د لاسرسي په اړه بحث او نظرونه تبادله کړل.
د سرپرست حکومت اداري مرستیال دغو چارواکو ته وویل چې پروان ولایت ته یې د سفر موخه د خلکو د ستونزو څېړنه او په دغه ولایت کې د تفریحي او تاریخي ځایونو لیدنه وه.
د پیغام پای/