په کابل کې د ایرنا خبري آژانس د خبریال له مخي، د افغانستان د سرپرست حکومت د کورنیو چارو وزارت ویاند عبدالمتین قانع نن په خپله یوه پاڼه کې لیکلي: ۱۲۶ روږدي کسان د درملنې لپاره روغتیايي مرکزونو ته ور وپېژندل شول.
هغه څرګنده کړه: د روږدو د راټولولو او درملنې په دوام، نشه یي توکو سره د مبارزې پولیسو د کابل ښار له بېلابېلو برخو ۱۲۶ په نشو روږدي کسان راټول کړي او د بستر لپاره یې کابل کې د روږدو د درملنې کمپ( امېد) ته ولېږدول.
د ایرنا د خبر له مخې، په افغانستان کې د ملګرو ملتو د سیاسی دفتر یا یوناما په راپور کې چې د روان کال د چنګاښ په میاشت کې خپور شو، ښیی چې په افغانستان کې څه باندې دوه میلیونه کسان په نشه ایزو موادو روږدی دی چې ۳۵ فیصده یې ښځې دی.
د افغانستان سرپرست حکومت د تېر کال په اوږدو کې د نشه يي توکو د کښت او تولید پر وړاندې جدي مبارزه پیل کړې او د نشه يي توکو د روږدو کسانو د درملنې په برخه کې یې هم هڅې پیل کړې دي.
د پیغام پای/
Your Comment