د رئیسي شهادت یوه لوی او نه جبرانېدونکې تشه رامنځ ته کړه/ د افغانستان خلک غمجن دي

کابل کې د ایرنا خبري آژانس د خبریال په خبره؛ د افغانستان د خلکو د یووالي ګوند د بیانیې په صادرولو سره د ایران د ولسمشر او ورسره پلاوي د شهادت د تسلیت تر څنګ اعلان کړی دی: د دغه لوی غم درد یوازې د ایران تر ملت بورې منحصر نه دی د افغانستان خلک هم پرې غمجن دي.

د دغه ګوند مشر محمد محقق نن دوشنبې د غوايي ۳۱ مه پر خپله اېکس پاڼه لیکلي: په خواشنۍ سره چې د ایران اسلامي جمهوریت د ولسمشر حضرت آیت الله سید ابراهیم رییسي، د بهرنیو چارو وزیر ښاغلي حسین امیرعبداللهیان او د تبریز د جمعې امام آیت الله سید محمد علي آل هاشم د لېږدونکې چورکلې د غورځېدو غمجن خبر مو تر لاسه کړ، دا یوه نه جبرانېدونکې ضایعه ده.

د دغې غمجنې پېښې په مناسبت د ایران د اسلامی جمهوریت د ورور، دوست او ګاونډی هېواد له ستر رهبر، حکومت او خلکو سره د خپلې ژورې خواخوږۍ او ډاډګېرنې مراتب څرګندوم او د اسلامی ایران د ثبات او سرتاسری حاکمیت هیله کوم.

دغه جهادي مشر لیکلي: بې له شکه ښاغلی رئیسي، ولسمشر او عبداللهیان چې د ایران د اسلامي جمهوریت مهم شخصیتونه او خدمتګاران وو، د ایران، سیمې او تاریخ په سختو شرایطو کې شهیدان شول، نړۍ او د حق رحم ته راښکته شوې، یوه لویه ضایعه او دا د نه جبرانیدو وړ ده، د ایران او خلکو لپاره د دې لوی زیان جبرانېدل خورا ستونزمن کار دی «اذا مات العالم ثلم فی الاسلام ثلمة‌ لایسدها شیئ».

محمد محقق زیاته کړې: د افغانستان او ایران خلکو د خپل ګډ تاریخ په اوږدو کې د یو بل په خوښیو او غمونو کې شریک پاتې شوي دي او له شک پرته دغه غمجنه پیښه یوازې د ایران په ملت پورې محدوده نه ده، بلکې د افغانستان خلک هم له دې پیښې څخه ډیر اغیزمن شوي دي. 

دغه افغان جهادی مشر ویلي: یو ځل بیا د زړه له کومی د اسلامی ایران حکومت او ملت او د شهیدانو کورنیو ته د تسلیت مراتب وړاندې کوم او د خدای تعالی له دربار څخه ولسمشر او د هغه ملګرو ته لوړې درجې او د دوی کورنیو ته د جمیل صبر او لوی اجر غوښتنه کوم.

د پیغام پای/