کابل کې د ایرنا خبري آژانس د خبریال په خبره؛ د افغانستان د سرپرست دولت اقتصادي مرستیال ملا عبدالغني براد بغلان ولایت ته د خپل سفر په ترڅ کې جمعه د غوايي ۲۸ مه د برکې او نهرین ولسوالیو له سېلاب ځپلو هم لیدنه وکړه.
ملا برادر و ویل: د شهیدان کره شمېره د سروې د ټیم له خوا راټوله شوې او د هر شهید کورنس ته نغدي، د خوراکي توکو او البسې مرستې وېشل شوې او دغه راز یې ټپیان تر درملنې لاندې دي.
د سرپرست دولت دغه چارواکي ویلي: د تخریب شویو کورونو، کرنیزو ځمکو، کانالونو، کندې او همدا راز د ورک شویو څارویو د سروې ټیمونه به سبا پیل شي او د اسلامي امارت په ذکر شویو سیمو کې له سروې وروسته به له زیانمنو سره مرسته وکړي.
د دولت اقتصادي مرستيال زياته کړه: په بغلان ولايت سربېره په نورو ولايتونو کې هم له سېلاب ځپلو سره نغدي او خوراکي توکي لېږل شوي دي.
د برکې او نهرین ولسوالیو سیلاب ځپلو هم د اسلامي امارت د مرستندویه ټیمونو د لیږلو او په سېلابونو کې د ایسار شویو هېوادوالو د ژغورنې له امله مننه وکړه او خپلې ستونزې او غوښتنې یې له ملا برادر سره شریکې کړې.
د پیغام پای/
Your Comment