په کابل کې د ایرنا خبري آژانس د خبریال له مخي، د افغانستان د سرپرست حکومت د برشنا شرکت ویاند حکمت الله میوندي د سه شنبې په شپه (لیندۍ ۲۷) اعلان وکړ چې له ازبکستان څخه افغانستان ته د برېښنا د واردولو تړون د ۲۰۲۵ کال تر پایه لاسلیک شوی دی.
میوندي زیاته کړه: دغه قرارداد د برشنا شرکت د اجراییوي رئیس عبدالباري عمر او د ازبکستان د بریښنا د ملي شرکت د مشرتابه ترمنځ لاسلیک شو. د برشنا پلاوی د دغه تړون د لاسلیک په موخه د دوشنبې په ورځ ازبکستان ته تللی و.
د ایرنا په وینا، افغانستان په کال کې ۱۵۰۰ میګاواټه بریښنا ته اړتیا لري چې له دې جملې څخه ۷۲۰ میګاواټه یې د ایران، ازبکستان، ترکمنستان او تاجکستان له هیوادونو واردیږي او پاتې نوره یې له کورنیو سرچینو څخه ورکول کیږي.
د پیغام پای/