کابل کې د ایرنا خبري آژانس د خبریال په خبره؛ د بامیان ولایت د رسنیو دفتر نن چهارشنبې د غبرګولي۲۳ مه د یوې خبرپاڼې په خپرولو سره د دغه ولایت د والي او لوړ پوړو امنیتي او کشفي چارواکو په حضور کې د لوی اختر په مناسبت امنیتي غونډې خبر ورکړی دی.
د باميانو والي مولوي عبدالله سرحدي ويل: د باميانو ولايت ټول امنيتي، کشفي او استخباراتي مسوولين دې د لوی اختر په مناسبت په ټولو لويو لارو او بامیانو ښار ته د غزځېدلو سړکونو کې کلک امنيتي تدابير ونيسي.
سرحدی ټینګار وکړ: جوماتونه، تکیه خانې، زیارتونه، تفریح او داسې نور ځایونه چې د لوی اختر په ورځو کې د خلکو د راغونډیدو ځایونه دي، له اوس څخه تر کلکو امنیتي تدابیرو لاندې ونیول شي، ترڅو خلک او هېوادوال وکولای شی اختر په پوره امن کې تیر کړي.
د بامیان ټولو اوسېدونکو ته په یوه پیغام کې والي ډاډ ورکړ چې د دې ولایت د سیمه ییزې ادارې رهبري، امنیتي او کشفي ارګانونه شپه او ورځ کار کوي ترڅو ولسونه په بشپړ ډول د سولې او امنیت په فضا کې په ټول هېواد کې ژوند وکړي، په ځانګړې توګه د رخصتیو او مذهبي مراسمو په جریان کې.
د پیغام پای/