کابل- ایرنا- د پروان ولایت د والي ویاند اعلان کړی، چې د دغه ولایت په سیاه ګرد ولسوالۍ کې اور لګېدلی دی.

کابل کې د ایرنا خبري آژانس د خبریال په خبره؛ د پروان د والي وياند حکمت الله شميم نن چهارشنبې د غبرګولي ۹مه وويل، د پروان ولايت د سياه ګرد ولسوالۍ د منډيي په بازار کې د اور لګېدنې له امله د ګازو او تېلو څلور دوکانونه سوځېدلي دي.

شميم زياته کړه: دغه پيښه د دوکاندارانو د بې احتياطۍ له امله رامنځته شوه او د اور وژنې ټيمونه د پيښې ځاى ته رسېدلي او اور په کابو کولو بوخت دي.

د پروان د والي وياند وايي، په دې اور لګېدنه کې چاته مرګ ژوبله نه ده اوښتې او تر اوسه د مالي زيان په اړه معلومات نشته.

د پیغام پای/