په هرات کې د ایرنا خبري آژانس د خبریال له مخي، د ټاپي پروژې عمومي رئیس محمد مراد امانوف نن شنبه د مرغومی په ۲۲ مه د هرات له والي شیخ مولانا اسلام جریر سره وکتل او ویې ویل: په افغانستان کې د ټاپي پروژې د پایپ غځولو بهیر روان دی.
امانوف په دې لیدنه کې له اسلام جار سره د ټاپي پروژې د پرمختګ لنډ راپور شریک کړ او ډاډ یې ورکړ چې د ګازو د پایپ لاین غځولو چارې په چټکۍ سره روانې دي او تر اوسه درې کیلومتره پایپ لاین غځول شوی دی.
اسلام جار د ټاپي پروژې د مسئولینو د هڅو هرکلی وکړ او د دې پروژې د چټک پرمختګ لپاره د اړینو اسانتیاوو په برابرولو کې د سیمهییزې ادارې د هر اړخیزې همکارۍ ډاډ ورکړ.
د ایرنا د راپور له مخې، د ټاپي پروژه به د ترکمنستان د ګازو پایپ لاین د افغانستان له لارې پاکستان او هند ته انتقال کړي. دغه پایپ لاین د هرات، فراه، نیمروز، هلمند او کندهار له ولایتونو تېرېږي او له ټولټال ۱۸۱۴ کیلومترو څخه ۸۱۶ کیلومتره یې په افغانستان کې غځول کېږي.
د پیغام پای/
Your Comment