به گزارش خبرنگار خبرگزاری ایرنا در کابل؛ نورالدین عزیزی، سرپرست وزارت صنعت و تجارت دولت سرپرست افغانستان عصر امروز دوشنبه ۱۹ قوس، با آیبیک عثمانوف، سفیر اوزبیکستان مقیم کابل دیدار کرد.
طرفین در این دیدار پیرامون تخصیص زمین جهت احداث کارخانه سمنت در ولایت سمنگان، اخذ مجوزهای مربوطه برای انتقال ماشینری و تجهیزات از اوزبیکستان به افغانستان برای عملی‌سازی پروژه‌های اکتشاف زمین‌شناسی در مناطق شمال کشور و اخذ سرتیفیکت استاندارد افغانستان برای دیزل مصنوعی اوزبیکستان گفتگو کردند.
سرعت بخشیدن در اجرای پروژه احداث خط انتقال برق سرخان- پلخمری و امتداد آن تا شهر جلال‌آباد ولایت ننگرهار، انکشاف مرکز تجارت بین‌المللی ترمذ، احداث شفاخانه و تجهیزات رهایشی و توسعه این بازار به سمت افغانستان و برگزاری نمایشگاه بین‌المللی حلال در ترمذ از دیگر موضوعات دیدار دو طرف بود.
سفیر اوزبیکستان همچنین نورالدین عزیزی سرپرست وزارت صنعت و تجارت افغانستان را جهت سفر به اوزبیکستان دعوت کرد.
به گزارش ایرنا، اوزبیکستان در حالی تصمیم ایجاد کارخانه سمنت در ولایت سمنگان افغانستان را روی دست گرفته است که افغانستان، سالانه به هفت میلیون تُن سمنت نیاز دارد و در حال حاضر سالانه بیش از ۵۰۰ هزار تُن سمنت تولید می‌‌کند.
پایان پیام/
Your Comment