AP ۱۴۰۳ لړم ۳ ۲۳:۱۹
Journalist ID: 5624
News ID: 85638482
T T
۰ Persons

Tags

د بهرنیو چارو وزارت په انقره کې د توساش هوايي صنعت پر شرکت ترهګریز برید غندلی دی

کابل- ایرنا- د افغانستان د سرپرست حکومت د بهرنیو چارو وزارت د ترکیې په پلازمینه انقره کې د توساش د هوایي صنایعو پر شرکت ترهګریز برید په کلکه وغانده.

په کابل کې د ایرنا خبري آژانس د خبریال له مخي، د افغانستان د سرپرست حکومت د بهرنیو چارو وزارت چارواکو نن پنجشنبه د لړم ۳ مه په یوه خبرپاڼه کې ویلي: په خواشیني سره مو خبر تر لاسه کړ، چې د ترکیې په پلازمینه انقره ښار کې د هوايي صنايعو پر شرکت توساش یو شمېر وسله والو برید ترسره کړی دی، چې مرگ او ژوبله یې رامنځ ته کړې ده.

 د افغانستان د اسلامي امارت د بهرنیو چارو وزارت د دغه برید په غندلو سره، د ترکیې دولت او خلکو او د دغې دردونکې پېښې د قربانیانو له کورنیو سره خپله خواخوږي څرګنده کړه او هیله وکړه چې د ترکیې ولس او حکومت به له دغه ډول کړاو سره یو ځل بیا مخ نه شي. 

 د ایرنا خبري اژانس د راپور له مخې، د ترکیې د هوايي صنايعو پر شرکت د وسله والو د برید په پایله کې پنځه تنه وژل شوي او تر ۲۰ زیات نور ټپیان شوي دي.

 د پیغام پای/

Your Comment

You are replying to: .