په کابل کې د ایرنا خبري آژانس د خبریال له قوله، د افغانستان د سرپرست حکومت د کانونو او پټرولیم وزارت چارواکو نن دوشنبه د وږی ۲۶ مه په یوه خبرپاڼه کې ویلي چې د دغه وزارت سرپرست ملا هدایت الله بدري د هرات ولایت د غوریان ولسوالۍ د چشت شریف د مرمر او مالګې له کانونو څخه لیدنه وکړه.
د يادو کانونو مسوولينو د خپلو راتلونکو کاري پلانونو په اړه د خپلو کارونو د تشريح په ترڅ کې هر اړخيز معلومات وړاندې کړل او خپلې ستونزې او نظريات يې ورسره شريک کړل.
د کانونو او پټرولیم وزارت سرپرست د دوی د ستونزو او وړاندیزونو د حل په برخه کې د همکارۍ ژمنه وکړه او مسوولینو ته یې د ورسپارل شویو دندو د لا زیاتې روڼتیا په موخه لازمې هدایات ورکړل.
د پیغام پای/
Your Comment