په کابل کې د ایرنا خبري آژانس د خبریال له قوله، د افغانستان د سرپرست حکومت د صنایعو او سوداګرۍ وزارت چارواکو نن سهشنبه د وږی په ۲۰ مه په خپله خبرپاڼه کې اعلان کړی چې د دغه وزارت مرستیال مولوی احمدالله زاهد او مولوي صدراعظم د کرنې، اوبولګولو او مالدارۍ معین د کابل ولایت د پلچرخي په صنعتي پارک کې له یو شمېر فابریکو څخه لیدنه وکړه.
په دې ناسته کې صنعتکارانو خپلې ستونزې له دوی سره شریکې کړې.
مولوي احمدالله زاهد او مولوي صدراعظم د صنعتکارانو د کار ستاينه وکړه او زياته يې کړه، چې صنعت د هېواد د اقتصادي ودې او هوساینې اصلي عامل دی.
دغه پلاوي صنعتکارانو ته ډاډ ورکړ چې د افغانستان اسلامي امارت د صنعتکارانو هر ډول ستونزو ته د حل په موخه پاملرنه کړې او په راتلونکي کې به هم د ان شاءالله پاملرنه ورته وکړي.
د پیغام پای/
Your Comment