د فلسطین له مقاومت څخه په قاطع ملاتړ د ولسمشر ټینګار/ امیر عبداللهیان د دیپلوماسۍ امیر وه

د ایرنا خبري آژانس د خبر له مخې، د ایران د اسلامي جمهوریت ولسمشر، مسعود پزشکیان په غربت مجاهدینو د نهمې غونډې په مناسبت په یوه پیغام کې، د دغه هېواد د بهرنیو چارو شهید شوی وزیر حسین امیرعبداللهیان د یو تکړه ډیپلوماټ، د دیپلماسی امیر، ماهر او با استعداده شخصیت او د مقاومت ډیپلوماټ یوه بشپړه بېلګه یاد کړی دی او ولیکل: په حکومت کې د خپل حضور له پیل راهیسې، ما د فلسطین له خلکو او د نړۍ له مظلومو خلکو نه خپل ملاتړ اعلان کړی او په ټولو برخو کې مې د هغوی د حقونو د پوره کولو لپاره پر خپل چمتووالي ټینګار کړی دی. 

 هغه ټینګار وکړ: تل په هر مسؤلیت او هر ډول حالاتو کې باید د عدالت په لټه کې او د حق غوښتونکو او مظلومانو ملاتړ ته ځان مکلف وګڼو، ځکه له شک پرته د حق غوښتونکو او عدالت غوښتونکو او بیداره وجدانونو توان لري د روښانه راتلونکي د انځورولو او درک کولو لپاره رڼا اوسئ او د عدالت او سوکالۍ په سیوري کې ژوند وکړئ.

 د ولسمشر د پیغام متن په لاندې ډول دی:

بسم الله الرحمن الرحیم
فإِنَّ الْجِهَادَ بَابٌ مِنْ أَبْوَابِ الْجَنَّةِ فَتَحَهُ اللَّهُ لِخَاصَّةِ أَوْلِیَائِهِ وَ هُوَ لِبَاسُ التَّقْوَی وَ دِرْعُ اللَّهِ الْحَصِینَةُ وَ جُنَّتُهُ الْوَثِیقَة.
د الله په لاره کې جهاد د جنت له دروازو څخه یوه ده چې الله تعالی د خپلو خاصو ملګرو لپاره خلاصه کړې ده.  جهاد د تقوا جامې، قوي زغره او د خدای ډاډمن ډال دی (نهج البلاغه/۲۷ خطابه)

له تېرې نیمې پېړۍ څخه تر اوسه پورې د ایران د اسلامي جمهوریت یو له سترو برکتونو څخه چې په نړۍ کې یې د عدالت او حقوقو بیرغ په خپل قوت او قدرت سره رپاوه، د غاصب صهیونیسټي رژیم په مقابل کښې د فلسطین د مظلومو خلکو د مقاومت او همداشان د استکبار په وړاندې د نړۍ د ټولو مظلومانو د مبارزې بشپړ ملاتړ دی؛ اوس چې د ستر رهبر (مد ظلله العالی) په زعامت او په مختلفو دورو کې د چارواکو په ګډون سره دا کار په زیاتیدونکي قوت او سرعت سره روان دی او څوارلسم حکومت به هم په قوت او تدبیر سره همداسې روان وي، ان شاءالله.

په حکومت کې د خپل حضور له پیل راهیسې چې زه دغه سیاست د اسلامي انقلاب له لوړو ارمانونو سره سمون خوري، د فلسطین له خلکو او د نړۍ له مظلومو خلکو څخه مې خپل بې پرې ملاتړ اعلان کړ او په ټولو برخو کې د دوی حقونه د اخیستلو لپاره یې پر خپل چمتووالي ټینګار وکړ. زه په دې باور یم چې په هر مسؤلیت او هر حالت کې باید خپل ځان مکلف وګڼو چې عدالت وغواړو او د حق غوښتونکو او مظلومانو ملاتړ وکړو؛  ځکه بې له شکه د حق غوښتونکو او عدالت غوښتونکو او بیداره وجدانونو د روښانه راتلونکي د راښکاره کولو او د عدالت او سوکالۍ په سیوري کې د ژوند کولو لاره روښانه کولای شي. په دې روښانه او ارزښتناکه لاره کې د ټولو مجاهدينو په تېره بيا د «جلاوطن مجاهدينو» د سرښندنو او تلاش درناوى اړينه ده او د دې لارې د دوام لپاره ځان ژمن ګڼو.

په پای کې مناسبه ده چې په ځانګړې توګه د شهید امیر عبداللهیان یادونه وکړو چې دغه مجلس د هغه د درناوي لپاره جوړه شوې ده. «عالم ډیپلومات» چې باید په سمه توګه د «ډیپلوماسۍ امیر» وبلل شي «د مقاومت ډیپلومات بشپړ نمونه چې د ستر رهبر (مد ظلله العالی) په وینا، د «یو تکړه، فعال، نوښتګر خارجه وزیر، یو پیاوړی او هوښیار مذاکره کوونکی او د بنسټونو او اصولو منونکي» د هیواد د ډیپلوماسۍ حساس ډګر د بهرنیو چارو وزارت دوره په ښه توګه مدیریت کړه.

مسعود پزشکیان
 د ایران د اسلامي جمهوریت ولسمشر

 د ایرنا د خبر له مخې د «مجاهدینو په غربت نهمه نړیواله غونډه» د سه شنبې په ورځ د سنبلې په دیارلسمه نیټه د ایران د سمنان ولایت د دامغان په ولسوالۍ کښې د مختلفو اسلامی هیوادونو د میلمنو او د سمنان د ملی او ولایتی چارواکو په شتون سره ترسره شوه.

د پيغام پاي/