به گزارش خبرنگار خبرگزاری ایرنا در کابل؛مسئولان وزارت معادن و پترولیم دولت سرپرست افغانستان در خبرنامه‌ی از دیدار ملا هدایت‌الله بدری سرپرست این وزارت با رؤسای شرکت‌های کام گروپ و ایریل کشور اوزبیکستان در کابل خبر دادند.
طرفین پیرامون سرمایه‌گذاری در بخش‌های معادن نفت و گاز صحبت نمودند.
رؤسای شرکت‌های ایریل و کام گروپ علاقه‌مندی شان را روی سرمایه‌گذاری بالای معادن کشور، به ویژه بلاک گاز دار «طوطی میدان» در ولایت جوزجان ابراز کردند.
سرپرست وزارت معادن و پترولیم با استقبال از علاقه‌مندی آنها جهت سرمایه‌گذاری روی معادن کشور افزود که این وزارت به خاطر تشویق سرمایه‌گذاران ملی و بین‌المللی تلاش نموده تا بتوانیم فرصت‌های کاری بیشتر را برای مردم و روند رشد اقتصادی را توسعه بدهیم.
پایان پیام/
Your Comment