په کابل کې د ایرنا خبري آژانس د خبریال له قوله، د افغانستان د سرپرست حکومت د مهاجرینو او راستنیدونکو چارو وزارت چارواکو نن سه شنبه د چنګاښ په ۱۹مه، په یوه خبرپاڼه کې اعلان کړی، چې د دغه وزارت سرپرست خلیل الرحمن حقاني له ننګرهار ولایت د مهاجرینو چارو رئیس باز محمد عبدالرحمن سره وکتل.
د ننګرهار د مهاجرینو چارو رئیس د کډوالو چارو وزارت سرپرست ته د ترسره شوو فعالیتونو، راستنیدونکو کډوالو سره د مرستو، د تورخم فرضي کرښې په اوږدو کې د شته اسانتیاوو او خدماتو او یو شمیر نورو ستونزو په اړه معلومات ورکړل.
د مهاجرینو د چارو سرپرست وزیر د راستنیدونکو مهاجرینو لپاره په شفافیت او رفاهی خدمتونو او د لا زیاتو اسانتیاوو په برابرولو ټینګار وکړ او د مهاجرینو د شته ستونزو د حل ډاډ یې ورکړ.
د ایرنا په وینا، له پاکستان څخه د څه دپاسه يو نيم ميليون افغان مهاجرو د جبري شړلو لړۍ له تير کال راهيسي روانه ده.
د پیغام پای/
Your Comment