به گزارش خبرنگار خبرگزاری ایرنا در کابل؛ ملا عبدالغنی برادر آخوند معاون اقتصادی دولت سرپرست افغانستان امروز دوشنبه 11 سرطان، با شماری از سرمایه گذاران اوزبیکستان در کابل دیدار کرد.
سرمایه گذاران اوزبیکستانی در این دیدار تمایل خود را به سرمایه‌گذاری در بخشهای استخراج و پروسس زغال سنگ در افغانستان، تولید برق از زغال سنگ، احداث تصفیه خانه معیاری نفت، ساخت کارخانه سمنت، استخراج معادن نمک و تولید نمک معیاری، ساخت کارخانه نساجی معیاری و حکومت‌داری الکترونیکی ابراز داشتند.
سرمایه گذاران اوزبیک افزودند: افغانستان اکنون به کشوری مناسب برای سرمایه‌گذاری تبدیل شده است و آنها به طور کامل آماده هستند تا در بخشهای یاد شده سرمایه گذاری نموده و تجارب خویش را با افغان‌ها شریک سازند.
معاون اقتصادی دولت سرپرست از علاقه‌مندی سرمایه‌گذاران اوزبیکستانی برای سرمایه گذاری در بخشهای مختلف در افغانستان تشکری نمود و به آنها اطمینان داد که وزارت‌ها و ادارات در بخشهای مربوطه خویش با آنها همکاری خواهند کرد.
به گزارش ایرنا، شمار از تاجران و سرمایه‌گذاران اوزبیکستانی طی دو روز گذشته در کابل حضور یافته و با مقامات ارشد دولت سرپرست افغانستان دیدار کرده‌اند.
پایان پیام/
Your Comment