کابل کې د ایرنا خبري آژانس د خبریال په خبره؛ د افغانستان د سرپرست دولت ویاند ذبیح الله مجاهد نن یکشنبې د چنګاښ ۱۰ مه په خپله اېکس پاڼه لیکلي: د اوزبیکستان د ولسمشر له ځانګړي استازي عصمت الله ارګاشف سره مو د دواړو هېوادونو اړونده مسایلو باندې خبرې وکړې.
هغه څرګنده کړې: اوزبیکستان او افغانستان ګڼې اقتصادي او سوداګریزې پروژې لري او اوزبیکستان د دوحې درېیمه ناسته کې د اسلامي امارت له دریځ څخه ملاتړ کوي.
د ایرنا د خبر له مخې؛ ټاکل شوې د دوحې درېیمه دوه ورځنۍ غونډه نن یکشنبې د چنګاښ ۱۰ مه د ملګرو ملتونو په کوربه توب په قطر کې جوړه شي.
د پیغام پای/
Your Comment