کابل کې د ایرنا خبري آژانس د خبریال په خبره؛ د افغانستان د سرپرست دولت د پوهنې وزارت مسوولینو نن یکشنبې د چنګاښ ۱۰ مه په یوه خبرپاڼه کې ویلي، د راستنېدونکو کډوالو د ماشومانو او هلکانو لپاره د زده کړو زمینې برابرولو په موخه په خوست او بامیانو کې راغلو ماشومانو او هلکانو د سویې د تثبیت ازموینه واخیستل شوه.
ورځپاڼه لیکي: په خوست ولایت کې له ۲۲۰ کسانو او په بامیان ولایت کې له ۱۰ کسانو ازموینه اخیستل شوې ده.
چارواکي وايي، راستانه شوي ماشومان په خپلو اړوندو ولايتونو کې د عامه زده کړو په ښوونځيو کې له اوو تر يوولسم ټولګيو پورې شامل دي.
د ایرنا د راپور له مخې، د پاکستان د حکومت د پرېکړې له مخې تېر کال له یو نیم میلیون ډېر افغان کډوال له هغه هېواده افغانستان ته راستانه شول.
د پیغام پای/
Your Comment