کابل کې د ایرنا خبري آژانس د خبریال په خبره؛ د افغانستان د سرپرست دولت د بهرنیو چارو وزارت د درېیم سیاسي ریاست رییس ذاکر جلالي نن یکشنبې د چنګاښ ۱۰ مه په خپله اېکس پاڼه لیکلي: د اجنډا پر اساس به د دوحې درېیمه ناسته نن یکشنبې د چنګاښ ۱۰ مه به ځايي وخت مازیګر ۶:۴۵ بجې پیل او د شپې په ۸:۴۵ بجو به پای ته ورسېږي.
جلالي لیکلي: د دوغونډې په دویمه ورځ به په دوه جلا ناستو کې پر دو نورو موضوعاتو خبرې اترې وشي، چې لومړی به یې د بانکي او مالي بندیزونو په اړه د سهار له ۸:۳۰ د غرمې تر ۱۱ بجو پورې دوام وکړي او دویمه موضوع له نشه يي توکو سره د مبارزې په اړه خبرې اترې دي، چې د ۱۱:۳۰ نه به پیل او د ماسپيښن ۲ بجو بورې به دوام وکړي او وروسته به ناسته په رسمي ډول پای ته ورسېږي.
د بهرنیو چارو وزارت د درېیم سیاسي ریاست رییس وايي، د درېیمې ورځې خبرې اترې د دوحې په ناستې پورې اړه نه لري.
د پيغام پای/
Your Comment