کابل کې د ایرنا خبري آژانس د خبریال په خبره؛ د افغانستان د بهرنیو چارو وزارت د درېیم سیاسي ریاست رییس ذاکر جلالي جمعه ماښام د چنګاښ ۸ مه په خپله اېکس پاڼه لیکلي: د افغانستان اسلامي امارت او سیمې د هېوادونو تر منځ د سیاسي درک میزان مخ پر زیاتوالي دی.
هغه څرګنده کړه، په سیمه ییزو او بهرنۍ ناسته کې د سیمې هېوادونه د افغانستان پر پرمختګ ټینګار کوي او غواړي چې پر افغانستان بانکي بندیزونه لرې شي، د افغانستان پر وړاندې مالي او بانکي بندیزونه په حقیقت کې د افغانستان او سیمې ترمنځ د سوداګرۍ پر پراختیا اغېزمن شوي دي.
د بهرنیو چارو وزارت دغه چارواکي لیکلي: وړاندوینه کېږي چې د دوحې په درېیمه غونډه کې به د سیمې هېوادونه او افغان حکومت د یو اړخیز او غیر قانوني بندیزونو د لرې کولو په اړه خبرې وکړي.
هغه زیاته کړه: د دوحې درېیمه ناسته په حقیقت کې د یو اړخیز بندیزونو په اړه د افغانستان د حکومت او لوېدیځو هېوادونو ترمنځ د خبرو اترو او نظرونو د تبادلې یو فرصت دی چې په دې برخه کې پرمختګونه په راتلونکو ناستو کې مثبتې اغیزې لرلی شي.
د جلالي په وينا، لوېديځ هم نه غواړي له افغانستان سره په خپلو تعاملاتو کې له نورو لوبغاړو وروسته پاتې شي.
د پیغام پای/
Your Comment