کابل کې د ایرنا خبري آژانس د خبریال په خبره؛ د افغانستان د سرپرست دولت د اطلاعاتو او فرهنګ وزارت مسوولینو نن چهارشنبې د چنګاښ ۶ مه په یوه خبرپاڼه کې د افغانستان لپاره د ناروې شارژدافیر پاول کلومن بکن سره د دغه وزارت د سرپرست ملا خیرالله خیرخواه د لیدنې خبر ورکړی دی.
د افغانستان د سرپرست دولت د اطلاعاتو او فرهنګ وزارت سرپرست و ویل: خبرې اترې د اسیاسي مشکلاتو او ستونزو د هواري اساسي لار ده.
خیرالله خیرخواه زیاته کړه: اسلامي امارت له نړۍ سره د دوه اړخیزو اړیکو پر بنسټ د اړیکو ټینګول او پراخول غواړي.
د اطلاعاتو او فرهنګ وزارت سرپرست د افغانستان په اړه په غونډو او خبرو اترو کې د ناروې رول مهم یاد کړ او د اسلامي امارت او نړیوالې ټولنې ترمنځ یې د اړیکو د پراختیا او پیاوړتیا په برخه کې یې اغېزمن او مهم وباله.
په دې کتنه کې پاول کلومن بکن د دوحې د درېیمې ناستې په اړه معلومات وړاندې کړل او دغه ناسته یې د افغانستان لپاره مهمه وبلله.
د پیغام پای/
Your Comment