کابل کې د ایرنا خبري آژانس د خبریال په خبره؛ پاکستان کې د قزاقستان سفیر یرژان کیستافین شنبې د چنګاښ ۲ مه د شپې ناوخت اسلام آباد کې د ستراتېژیکو څېړنو مرکز کې د ناستې پر مهال و ویل: د سیمې د ستونزو د حل په ځانګړې توګه د افغانستان لپاره د شانګهای سازمان رول خورا مهم دی.
هغه څرګنده کړه: د شانګهای د همکارۍ سازمان د ترکیې او افغانستان په شان هېوادونو ته د دغه سازمان د نفوذ د پراخولو او د جیو پولیټیکو ننګونو د حل لپاره مهم دی.
کیستافین وویل: زموږ هېواد د سیمه ایزو لوبغاړو سره د شانګهای د همکارۍ سازمان د اړیکو اهمیت پیژني، د ترکیې او افغانستان په څېر هېوادونو سره د دې سازمان ډیالوګ ملګرتیا ته د خپل نفوذ پراخولو او پراخو جیو پولیټیکل ننګونو ته د رسېدو فرصتونو په توګه کتل کېږي.
په پاکستان کې د قزاقستان سفیر هم ټینګار وکړ چې هېواد یې د شانګهای د همکاریو د سازمان د څارونکو هېوادونو له ګډون څخه ملاتړ کوي.
د ایرنا د راپور له مخې، روسیه، چین، هند، پاکستان، قزاقستان، قرغزستان، تاجکستان او ازبکستان د شانګهای د همکارۍ سازمان غړي دي او افغانستان له ۲۰۱۲ کال راهیسې د شانګهای د همکاریو د سازمان څارونکی غړی دی.
د پیغام پای/
Your Comment