کابل کې د ایرنا خبري آژانس د خبریال په خبره؛ د ایران اسلامي جمهوریت د بهرنیو چارو وزارت سرپرست سه شنبې د غبرګولي ۲۲ مه د روسیې د نیژني نووګورود کې د برېکس غړو هېوادونو د بهرنیو چارو وزیرانو د غونډې په څنډه کې یوې روسي رسنۍ ته و ویل: ایران او روسیه دوه ګاونډیان او له تاریخي اړیکو برخمن هېوادونه دي.
هغه دې ته په اشارې سره چې په تېرو کلونو کې د ایران او روسیې د اړیکو ډګرونه ډېر پراخ شوي او د دواړو هېوادونو په وړاندې ګډو ګواښونو د تهران او ماسکو لپاره ګډ فرصتونه وړاندې کړی دی.
د ایران د بهرنیو چارو وزارت سرپرست څرګنده کړه: په دې اساس دواړه هېوادونه په مختلفو برخو کې د خپلو دوه اړخیزو ملګرتیاو د پراختیا لپاره جدي او ټینګ هوډ لري.
باقري وويل: د دواړو هېوادونو ترمنځ د همکاريو زياتوالى ښيي چې مشران یې هوډ لري د دواړو هېوادونو ترمنځ اړيکې پياوړې کړي او له ټولو فرصتونو څخه د دواړو هېوادونو او ولسونو په ګټه کار واخلي.
د پیغام پای/
Your Comment