هرات کې د ایرنا خبري آژانس د خبریال په خبره؛ د هرات ولایت د ماسټرۍ، د دارالعلومونو، دارلمعلمینونو او ښوونځیو د کانکور ازموینې لړۍ نن پنشنبې د غبرګولي ۱۷ مه د دغه ولایت د والي نور احمد اسلام جار، د کانکور د ملي کمېټې د رییس مولوي عبدالباقي حقاني د هرات د پوهنتون رییس ابوالحکمت مفتي عبدالغفار او د پوهنې رییس رحمت الله جابر په حضور کې پیل شوه.
د هرات والي مولانا اسلام جار په پوهنتونو کې له ټیکنالوژۍ پر ګټې اخیستنې ټینګار وکړ ویې ویل، اسلامي امارت په هېواد کې د اسلامي او عصري علومو پرمختګ ته ژمن دی.
د هرات والي زیاته کړه: د لوړو زده کړو بنسټونه باید د بازر د غوښتنو سره سم په بېلا بېلو رشتو کې متخصیصینو ته زده کړې ورکړي هغوی بازار ته وړاندې کړي ځکه له دې لارې کېدای شي، چې ټولنه د پرمختګ لوړو څوک ته ورسېږي.
د کانکور ملي کمېتې رییس مولوي عبدالباقي حقاني د کانکور پروسې له روڼ والي ډاډ ورکړ او له ځوانانو او د کانکور له ګډونوالو یې وغوښتل چې په خپلو هڅو او زیار سره د پوهې په تر لاسه کولو د هېواد د پرمختګ لپاره ګټور ګامونه پورته کړي.
د پیغام پای/
Your Comment