کابل کې د ایرنا خبري آژانس د خبریال په خبره؛ د پخواني افغان حکومت د ملي مصالحې د عالي شورا اجرائيه رئيس ډاکټر عبدالله عبدالله نن چهارشنبې د غبرګولي ۹ مه په خپله فیسبوک پاڼه لیکلي: موږ د هسپانیا، ایرلنډ او ناروې د مشرانو او حکومتونو د ګډې پرېکړې هرکلی کوو چې د فلسطین خپلواک دولت یې په رسمیت وپېژانده.
هغه لیکلي: له بده مرغه د دغه پریکړه لیک اعلان په رفح ښار کې د فلسطیني کډوالو پر کمپ باندې د اسرائیلي هوايي ځواکونو له وروستي زړه بوږنونکي برید سره چې په ترڅ کې یې یو شمیر بې ګناه ښځې، ماشومان او بوډاګان ووژل شول همغږی دی.
عبدالله عبدالله څرګنده کړه: هيله لرو چې د يادو هېوادونو هوښيارانه دريځ د سولې په ټينګښت او په فلسطين کې د اوږدې او خونړۍ جګړې په ختمولو کې مرسته وکړي.
ایرنا خبري اژانس وایي، د ایرلینډ ، ناروې او هسپانیې هېوادونو پرون فلسطین د یوه خپلواک هیواد په توګه په رسمیت وپیژنده.
د پیغام پای/
Your Comment