کابل کې د ایرنا خبري آژانس د خبریال په خبره؛ په تېر حکومت کې د ملي مصالحې د عالي شورا مشر ډاکټر عبدالله عبدالله دوشنبې غبرګولي ۷ مه په خپله اېکس پاڼه ویلي، چې کابل کې یې د ایران اسلامي جمهوریت له مرستیال سفیر سید حسن مرتضوي سره لیدلي دي.
ډاکټر عبدالله عبدالله د اسلامي جمهوریت د مرحوم ولسمشر او د هغه د ملګرو روح ته د دعا په ترڅ کې په افغانستان کې د وروستیو سېلابونو له قربانیانو سره د ایران اسلامي جمهوریت د بشري مرستو له امله مننه او قدرداني وکړه.
د ایرنا د خبر له مخې په تېره اونۍ کې د سېلاب ځپلو لپاره د ایران اسلامی جمهوریت د بشري مرستو دوه کڅورې افغانستان ته ورسېدې.
د پیغام پای/
Your Comment