به گزارش خبرنگار خبرگزاری ایرنا در کابل، مسئولان وزارت صنعت و تجارت دولت سرپرست افغانستان بامداد امروز یک‌شنبه، 13 حوت، در خبرنامه‌ی اعلام کردند که نورالدین عزیزی، سرپرست این وزارت با حضور فضل‌محمد صابر، سرپرست سفارت افغانستان در ترکمنستان و محمدهارون سیدی، اتشه تجارتی این وزارت در سفارت افغانستان مقیم عشق‌آباد با تعداد از تاجران و سرمایه‌گذاران افغان مقیم کشورهای مختلف که جهت اشتراک در کنفرانس تواصل تجارتی و بازدید از نمایشگاه ترکمن - افغان به جمهوری ترکمنستان سفر نموده‌اند، دیدار نمود.
در این نشست تاجران و سرمایه‌گذاران مشکل‌شان را در قسمت انتقال موادنفتی و پیشنهادات شان را در رابطه به ایجاد منطقه آزاد در بندر ترکمن‌باشی و بانک مشترک افغان - ترکمن، کاهش تعرفه، توازن در بیلانس تجارت؛ حداقل با کشورهای منطقه و ترویج کالاهای صادراتی افغانستان در جمهوری ترکمنستان ارایه کردند.
سرپرست وزارت صنعت و تجارت با شنیدن صحبت‌های تاجران و سرمایه‌گذاران از آنها خواست در افغانستان سرمایه‌گذاری نمایند.
آقای عزیزی هم‌چنین به آنها اطمینان داد که در مقابل هر افغانی که مالیه پرداخت می‌کنند، حساب داده می‌شود و پول مالیه بی‌جا مصرف نشده و برای باسازی کشور مصرف می‌شود.
به گزارش ایرنا، یک هیئت تجارتی دولت سرپرست افغانستان به رهبری نور الدین عزیزی سرپرست وزارت صنعت و تجارت دولت، جهت شرکت در نشست تواصل تجارتی افغان- ترکمن در ترکمنستان به سر می‌برند.
پایان پیام/
Your Comment