د ایرنا خبري اژانس د راپور له مخې، د ایران د اسلامی پارلمان مشر محمد باقر قالیباف یکشنبه د مرغومی د میاشتې په ١٦مه نیټه د دغه هیواد د پارلمان په عمومي غونډه کې وویل: د رجب د میاشتې د مبارکې میاشتې د رارسیدو په مناسبت د ایران استازیو او قدرمن ملت ته مبارکی وایم او امید لرو په دې مبارکه میاشت کې زموږ لپاره د خیر او بریالیتوب دعا وکړئ.
د ایران د اسلامي جمهوریت د قدس ځواک د پخواني قومندان مارشال قاسم سلیماني د شهادت د کلیزې د نمانځلو په مناسبت د اسلامي پارلمان مشر وویل: د ایران د قدرمن ملت په ځانګړې توګه د کرمان ولایت له شریفو او شهید پرور خلک څخه چې له ترهګرۍ سره د مبارزې سمبول او اتل او د مقاومت بیرغ دار مارشال قاسم سلیماني د شهادت د کلیزې په مناسبت د هغه مزار په سر لاریون وکړل، مننه کوم.
هغه زیاته کړه: هغه شهید چې د خپل مبارک ژوند څلور لسیزې یې په زړورتیا، اخلاص او میړانې سره د دښمن او تروریستي ډلو پر وړاندې په میړانه تیرې کړې او په هر ځای کې یې عزتمند حضور د سولې او ډاډګیرنې سرچینه وه او د ماشومانو او ښځې له ګواښونو یې وژغورله.
قالیباف زیاته کړه: د شهید سلیمانی لاره به د قدس شریف تر آزادولو او د صهیونیسټی رژیم د شر تر ختمولو پورې دوام ولری.
د پیغام پای/