کابل کې د ایرنا خبري آژانس د خبریال په خبره؛ د افغانستان د سرپرست دولت د کلیوپراختیا وزارت مسوولینو نن سه شنبې د وري ۲۱ مه کابل کې د چین له سرپرست سفیر جاوه شینګ سره د دغه وزارت د سرپرست ملا محمد یونس اخوندزاده د لیدو خبر ورکړی دی.
په دغه لیدنه کې د چین سفیر د واخان څخه د چین تر پورې د سړک جوړېدو د څرنګوالي په اړه و ویل، چې هېواد یې د پرمختیايي او بنسټیزو پروژو په برخه کې له افغانستان سره خپلو همکاریو ته دوام ورکوي.
په ورته وخت کې ملا محمد یونس اخوندزاده د چین دولت د سیاسي او اقتصادي همکاریو په مننې و ویل، چې د واخان – چین سړک د جوړېدو لومړنۍ چارې په شدت سره دوام لري او په نېږدې راتلونکې کې به بشپړې شي.
د کلیو پراختیا وزارت سرپرست همدارنګه زیاته کړه: د دغه سړک اساسي جوړېدل د دواړو هېوادونو د اقتصاد په وده کې مهم رول لوبوي او دغه مهم او لنډ سړک به افغانستان، چین او د منځنۍ اسیا هېوادونو ته ګټه ورسوي.
د اېرنا د خبر له مخې، د واخان – چین سړک کار تېر ژمي پیل شوی او د چارواکو په وینا اوس یې چارې په چټکۍ سره روانې دي.
د پیغام پای/