کابل کې د ایرنا خبري آژانس د خبریال په خبره؛ د افغانستان د سرپرست دولت د پوهنې وزارت مسوولینو نن سه شنبې د کب ۲۲ مه په یوه خبرپاڼه کې اعلان کړی دی، چې د پوهنې وزارت سره د خلکو د مرستو او همکاریو پر دوام دا ځل د ننګرهار ولایت علم دوسته خلکو په ټولیز ډول ۳۵ جرېبه ځمکه چې شخصي ملکیت وو د دغه ولایت په مرکز او ولسوالیو کې د ښوونځیو او مدرستو جوړولو ته وقف کړې ده.
د چارواكو په وينا، د يادې شوې ځمکې ارزښت درې ميليونه افغانۍ اټکل شوى دى.
د ایرنا د خبر له مخې دوه ورځې مخکې د هرات ښاریانو هم د ښوونځیو د جوړولو لپاره ۱۳ جریبه ځمکه د پوهنې وزارت ته ورکړه.
د پیغام پای/
Your Comment