سرپرست هلال احمر افغانی و مسئول فدراسیون بین‌المللی در مورد جذب کمک‌های بشر دوستانه گفتگو کردند

به گزارش خبرنگار خبرگزاری ایرنا در کابل؛ شهاب‌الدین دلاور، سرپرست ریاست عمومی جمعیت هلال احمر افغانی روز گذشته ۱۵ حوت با احمد سلیمان، سرپرست و مسئول فدراسیون بین‌المللی در افغانستان در کابل دیدار کرد.
طرفین در این دیدار روی سفرهای خارجی و جذب کمک‌های بشردوستانه گفتگو کردند. سرپرست ریاست عمومی جمعیت هلال احمر افغانی از حمایت‌ها و هماهنگی‌های دوامدار فدراسیون بین‌المللی قدردانی کرد.
سرپرست فدراسیون بین‌المللی در افغانستان، درباره سفرهای پلان شده به کشور‌های قطر و جینوا، و همچنین تنظیم ملاقا‌ت‌ها با مسئولین سفارت‌های کشورهای مختلف خارجی در اين سفر معلومات داد.
به گزارش ایرنا، به اساس گزارشات سازمان‌های بین‌المللی بیش از ۱۴ میلیون تن در افغانستان به کمک‌های بشری نیاز دارند.
پایان پیام/