په کابل کې د ایرنا خبري آژانس د خبریال له مخي، د افغانستان پخواني جمهور رئیس حامد کرزي نن شنبه د لړم په ۵ مه په خپله ایکس پاڼه کې لیکلي: زه د ایران پر اسلامي جمهوریت باندې د اسرائیلو برید چې د دغه نږدې ګاونډي او زموږ د ورور هېواد له حریم او ملي حاکمیت څخه سرغړونه ده، غندم.
هغه لیکلي: دا ډول بریدونه په سیمه کې د کړکیچ د زیاتوالي او نړیوالې سولې او امنیت ته د ګواښ لامل ګرځي.
د افغانستان پخواني ولسمشر له مسوولو نړیوالو چارواکو وغوښتل چې په سیمه کې د تاوتریخوالي د مخنیوي لپاره لازم او مناسب اقدامات وکړي.
د پیغام پای/