د ایرنا خبری اژانس د راپور له مخې، د فلسطین د مقاومت د ډلو عمومی چارواکو په دمشق کې د ایران د اسلامی جمهوریت په سفارت کې د ایران د اسلامی جمهوریت د خارجه چارو له وزیر سید عباس عراقچی سره په کتنه کې د سید حسن نصرالله، د حزبالله مشر د ایران د ستر رهبر، ملت او دولت ته خواخوږي وویل. هغوی د فلسطین او بیت المقدس په ملاتړ کې د حزب الله او د هغې د شهید سرمنشي د نه بدلیدونکي رول په درناوي سره د صهیونیسټي نیواک په وړاندې د سیمې د ولسونو له مشروع مقاومت څخه د ایران د اسلامي جمهوریت د ملاتړ قدرونه وکړه.
هغوی همداشان د الاقصی د طوفانی عملیاتو د بریالیتوب کلیزې ته په اشارې سره په غزې باندې د صهیونیسټی ترهګرې رژیم د وحشیانه حملو او د فلسطین او لبنان د ولسونو په وړاندې د نسل وژنې جنایتونو ته اشاره وکړه او د صهیونیسټي دښمن په وړاندې د مبارزې د دوام لپاره د مقاومت د ډلو او د فلسطین د ملت په جدي هوډ ټینګار وکړ.
د مقاومت د ډلو مشرانو همداراز د صهیونیسټ رژیم د تیریو او ترهګرو اقداماتو په وړاندې د ایران د اسلامی جمهوریت د دفاعی او مشروع عملیاتو دفاع وکړه.
د ایران د بهرنیو چارو وزیر هم د حزب الله د عمومی منشی او د مقاومت د نورو قوماندانانو په شهادت خواشینی څرګنده کړه او یادونه یې وکړه چې دغه تاوان به خامخا د مقاومت او حزب الله ثبات او قوت زیات کړی.
عراقچي تاکید وکړ: مونږ باور لرو چې د قدس او فلسطین د شهید نصرالله وینه او په فلسطین او لبنان کې د مقاومت د نورو شهیدانو وینه به د مقاومت ونه پیاوړې کړي او د صهیونیسټي دښمن په وړاندې به د وروستۍ بریا سبب شي.
د ایران د بهرنیو چارو وزیر لبنان او سوریې ته د خپل سفر څرګند پیغام او د جمعې نصر په خطبو کې د معظم رهبر د مستند الفاظو په بیانولو سره، د ایران د اسلامی جمهوریت د اصولی سیاست د فلسطین او قدس او د صهیونیسټي رژیم په خلاف په سیمه کې د مقاومت په څوارلسم دولت کې په هراړخیزه توګه په ملاتړ ټینګار وکړ.
د پیغام پای/