د ایرنا خبري اژانس د راپور له مخې، د ایران د اسلامي جمهوریت د بهرنیو چارو وزیر سید عباس عراقچي نن شنبه د وږی د میاشتې په ۲۴ مه نیټه په ایران باندې د لویدیځ لخوا د نویو بندیزونو د لګولو په اړه د یوې پوښتنې په ځواب کې وویل: د حیرانتیا خبره ده چې غربي هیوادونه لا هم په دې کار لاس پورې کوي، نه پوهیږي چې بندیزونه یوه ناکامه وسیله ده او دا چې دوی نشي کولی ځان په ایران باندې تحمیل کړي.
هغه زیاته کړه، دا په اټومي بحث او نورو بحثونو کې ناکامه تجربه ده. دا چې دوی لاهم امید لري او پدې ناکامه تجربه عمل کوي زما لپاره حیرانتیا ده. عراقچی تاکید وکړ: د ایران اسلامی جمهوریت په قوت سره خپلې لارې ته ادامه ورکوی، که څه هم مونږ تل د خبرو اترو غوښتونکی یو او د اختلافی مسائلو په اړه ګډ تفاهم ته د رسیدو لپاره مو هیڅکله له رغنده خبرواترو څخه ډډه نه ده کړې، خو خبرې اترې باید د متقابل احترام په اساس وی، نه د ګواښونو او فشار.
د ایران د اسلامي جمهوریت د بهرنیو چارو وزیر څرګنده کړه: بندیزونه د فشار وسیله او د مقابلې وسیله ده، نه د همکارۍ وسیله او دغه وسیله په عمل کښې د موثریت نه لرلو له امله ناکامه شوې ده.
هغه څرګنده کړه: هغه هېوادونه چې یو وخت یې پر موږ د اغزن تار لګولو بندیزونه لګولي وو، اوس داسې حالت ته رسېدلي چې پخپله ادعا کوي چې ایران پرمختللې وسلې صادروي او پلوري، دا د بندیزونو پایله وه. دا د حیرانتیا خبره ده چې دوی لاهم د دې ناکامې تجربې په لټه کې دي او زه وړاندیز کوم چې دوی خپله لاره بدله کړي.
د ایرنا د خبر له مخې د امریکا د خزانې وزارت د ایران په خلاف د بندیزونو د سختولو د سیاست په دوام کښې د ایران او روسیې په شمول د ایران د هوایی شرکت(ایران ابر) شل کسان، شرکتونه او بیړۍ په دی پلمه چې له تهران څخه یې مسکو ته توغندیو استولو چي د اوکرایین پر ضد په جګړه کې استعمالېږي، بندیز ولګول.
د امریکا د اقدام تر څنګ، جرمني، انګلستان او فرانسې په یوه بې بنسټه او غیر دودیزه بیانیه کې هم پر تهران تور ولګاوه چې د اوکراین په جګړه کې له ایران څخه روسیې ته توغندیو استولو کیږي او د دوه اړخیزو هوايي خدمتونو تړونونه له اسلامي جمهوریت سره لغوه کړل.
د پیغام پای/