په کابل کې د ایرنا خبري آژانس د خبریال له قوله، د افغانستان د سرپرست حکومت د ویاند مرستیال حمدالله فطرت نن سهار په خپله ایکس پاڼه کې د یوې خبرپاڼې په خپرولو سره اعلان کړی چې د ریاست الوزرا اقتصادي مرستیال ملا عبدالغني برادر د اذربایجان د لومړي وزیر له مرستیال سره د د ترمز نړیوال سوداګریز مرکز د پرانیستې د مراسمو په څنډه کې وکتل.
په دې کتنه کې ملا برادر په کابل کې د اذربایجان د سفارت له پرانیستلو مننه وکړه او د اذربایجان له حکومت او د دغه هېواد له خصوصي سکتور څخه یې وغوښتل چې په افغانستان کې د پانګونې په برخه کې له رامنځته شویو فرصتونو څخه په استفادې په بېلابېلو برخو کې پانګونه وکړي.
د ملا برادر په وینا، اسلامي امارت د پانګوالو بشپړ ملاتړ کوي او په دې برخه کې یې ټولې لازمې اسانتیاوې رامنځته کړې دي. د اذربایجان د لومړي وزیر مرستیال هم په دې کتنه کې وویل، هېواد یې چمتو دی چې له افغانستان او د سیمې له هېوادونو سره د سوداګریزو اړیکو د پراخولو په موخه د لاجور لارې بیا فعالې کړي او د صادراتو او وارداتو د کچې لوړولو ته به دوام ورکړي.
نوموړي په افغانستان کې د صنعتي فابریکو په جوړولو کې د پانګونې لپاره د خپل هېواد چمتووالی اعلان کړ او ویې ویل، اذربایجان له اسلامي امارت سره د کانونو په برخه کې هر ډول همکارۍ ته چمتو دی.
د پیغام پای/