کابل کې د ایرنا خبري آژانس د خبریال په خبره؛ په ملګرو ملتونو کې د پاکستان استازي منیر اکرم سه شنبې د چنګاښ ۵ مه مازیګر مهال د ملګرو ملتونو ټولنیزه او اقتصادي غونډه کې و ویل: یو میلیون افغانان اصلآ ثبت شوي نه دي او زرګونه نور پرته له هر ډول اسنازو په پاکستان کې ژوند کوي.
ده وويل: دا مهال په دغه هېواد کې يو نيم ميليون راجستر شوي افغان کډوال مېشت دي او ډېر ژر به بېرته خپل هېواد ته ستانه شي.
له پاکستان څخه د افغان کډوالو د اخراج له پرېکړې سره د ملګرو ملتونو د کډوالو عالي کمېشنرۍ او د بشري حقونو نړیوالو سازمانونو په پرله پسې ډول د پاکستان دغه پرېکړه غندلې او هغه یې د ټولو نړیوالو قوانینو خلاف بللې ده.
د ایرنا د راپور له مخې، تېر کال د پاکستان حکومت پرېکړه وکړه چې له یو نیم میلیون ډېر افغان کډوال په زوره له هېواده وباسي.
د پیغام پای/