د ایرنا خبري آژانس د راپور له مخې د پاکستان د بهرنیو چارو وزیر اسحق دار نن دوشنبې د غوايي ۳ مه د ایران اسلامي جمهوریت له ولسمشر آیت الله سید ابراهیم رئیسي سره په لیدنه کې و ویل: د پاکستان دولت او خلک د ښاغلي سفر ته سترګې په لاره و مو ستاسو د کوربتوب ویاړ لرو.
د پاکستان د بهرنیو چارو وزیر څرګنده کړه: اسلامي نړۍ د ګډو ستونزو د حل په برخه کې د ایران د اغېز لرونکي رول څخه مننه کوي.
هغه ټینګار وکړ، چې د فلسطین د ملاتړ په اړه د ایران اسلامي جمهوریت دریځ د ستایلو وړ دی.
سناتور اسحق دار دغه راز د ایران اسلامي جمهوریت د ولسی جرګې او مشرانو جرګې د بریالیو ټاکنو تر سره کېدو مبارکی هم ایران ته ورکړه.
د ایرنا د خبر له مخې د ایران اسلامی جمهوریت ولسمشر ایت الله سید ابراهیم رئیسی د یو لوړرتبه سیاسي او اقتصادي پلاوي په مشرۍ د پاکستان پلازمینې اسلام آباد ته ورسېد.
د اسلام اباد په هوايي ډګر کې د کوربه هېواد د کور جوړونې د وزیر له خوا د ایران ولسمشر تود هرکلی وشو.
پاکستان ته د ایران د ولسمشر رئیسي د سفر پر مهال به د دواړو هېوادونو ترمنځ د سوداګرۍ، روغتیا، اقتصاد، امنیت، عدالت او کرنې په برخو کې د همکاریو یو شمېر سندونه د اړوندو وزیرانو او د جمهور رئیسانو په حضور کې لاسلیک شي.
د پیغام پای/