کابل کې د ایرنا خبري آژانس د خبریال په خبره؛ د ملګرو ملتونو د سرمنشي ویاند اسټفان دوجاریک نن سه شنبې د وري ۲۱ مه ویلي، چې د افغانستان لپاره د ملګرو ملتونو د ځانګړي استازي ټاکلو باندې کار روان دی.
نوموړي زیاته کړې؛ د افغانستان لپاره د ملګرو ملتونو د ځانګړي استازي د ټاکلو لپاره کوم مشخص مهالوېش نشته.
د ایرنا د خبر له مخې د افغانستان د سرپرست دولت چارواکو په ځلونو ویلي دي چې په افغانستان کښې د یوناما یا د ملګروملتونو د سیاسي دفتر له شتون سره سره د دغه هیواد د چارو لپاره د ځانګړي استازي د ټاکلو ضرورت نشته.
د پیغام پای/