کابل کې د ایرنا خبري آژانس د خبریال په خبره؛ د افغانستان د سرپرست دولت د اطلاعاتو او فرهنګ سرپرست وزیر پرون مازیګر مهال د رسنیو د تخطۍ کمېسیون غونډه کې ګډون وکړ.
په دغه ناسته کې د یاد کمېسیون غړو د رسنیو د کار او فعالیت او د هغوی د تخطیو په اړه معلومات وړاندې کړل.
د سرپرست دولت د اطلاعاتو او فرهنګ سرپرست وزیر په دې ناسته کې و ویل، اسلامي امارت د رسنیو لپاره زیاتې اسانتیاوې برابرې کړې دي.
ښاغلي خیرخواه ټینګار وکړ، چې رسنۍ مکلفې دي، چې د ملي ګټو او اسلامي ارزښتونو پر اساس خپل فعالیت ته دوام ورکړي.
د پیغام پای/