د ایران سپاه پاسداران: د ۳ صادق وعده او راتلونکي عملیات به ډېر سخت، دقیق او ویجاړوونکي وي

د ایرنا د راپور له مخې، د ایران اسلامي انقلاب سپاه پاسداران نن دوشنبه د غبرګولي په ۲۶ مه په یوه اعلامیه کې اعلان وکړ چې "۳ صادق وعده" او راتلونکي عملیات به له پخوانیو عملیاتو څخه ډېر سخت، دقیق او ویجاړوونکي وي.
د "۳ صادق وعده" عملیاتو د اتمې څپې په اړه د ایران اسلامي انقلاب سپاه پاسداران په اعلامیه کې راغلي:
د ایران شریف ملت ته خبر ورکول کېږي، چې څو شیبې وړاندې د سپاه پاسداران انقلاب اسلامي هوايي ځواکونو د توغندیو بریدونو نوې څپه له پخوا څخه په ډېر قوت او شدت سره پیل شوه. په دې عملیاتو کې، د صهیونیسټ رژیم د قوماندې او کنټرول سیسټمونه، د نویو میتودونو په کارولو او د شهیدانو باقري، سلامي، حاجي زاده او د سپاه نورو هوايي شهیدانو لخوا د پیاوړو استخباراتي او تجهیزاتي وړتیاو په ګټه اخیستنې سره، د دښمن څو پرتې دفاعي سیسټمونه ګډوډ شول، تر دې چې د دې رژیم دفاعي سیسټمونو یو بل په نښه کړل.
 په دې عملیاتو کې کارول شوي نوښتونه او وړتیاوې، د امریکا او لویدیځو ځواکونو د هر اړخیز ملاتړ او د خورا پرمختللې او نوي دفاعي ټیکنالوژۍ سره سره، په اشغال شویو سیمو کې په اهدافو باندې د راکټونو بریالي او اعظمي بریدونه پایله ورکړه.
 نن ورځ موږ د شهیدانو باقري، سلامي او حاجي زاده د صادقو وعدو پوره کېدو شاهدان یو چې په وار وار یې ویلي وو؛ "۳ صادق وعده" او راتلونکي عملیات به له پخوانیو عملیاتو څخه ډېر سخت، دقیق او ویجاړوونکي وي. همدارنګه دې عملیاتو وښودله چې د صهیونیسټ او امریکایانو اټکلونه او محاسبې د اسلامي ایران په اړه په بشپړ ډول غلطې وې او اوس باید د اشغالګر صهیونیسټ رژیم د سقوط شاهدان واوسو.
 د دې جنایتکار رژیم ملاتړي هم باید پوه شي، چې د دې جعلي رژیم د حیاتي اهدافو پر وړاندې به اغیزمن، هدفمند او سخت عملیات د هغه تر بشپړې نابودۍ پورې دوام وکړي.
د پیغام پای.