د ایرنا په وینا، د روسیې سفیر او د ملګرو ملتونو په سازمان کې د دغه هیواد دایمي استازی میخایل اولیانوف نن سهار د وري ٢٤مه وویل: په عمان کې د نن ورځې د غونډې د پایلو په اړه، زه باید ووایم چې ایرانیانو او امریکایانو دواړو خبرې اترې مثبتې او رغنده وبللې؛ دا ډاډ ورکوونکې ده.
د ایرنا د راپور له مخې، د ایران او امریکا ترمنځ د غیر مستقیمو خبرو اترو لومړی پړاو د شنبې په ورځ، د وري په ۱۴مه، د عمان په کوربه توب په مسقط کې ترسره شو. له دې خبرو اترو وروسته، د منځني ختیځ لپاره د ټرمپ ځانګړي استازي «اسټیو ویټکاف» وویل چې له ایران سره خبرې اترې به د وري په ٣٠مه دوام وکړي.
د بهرنیو چارو وزارت ویاند اسماعیل بقايي هم د شنبې په شپه په خپله ټولنیزه شبکه ایکس کې ولیکل: «د دواړو خواوو ترمنځ د راتلونکې اونۍ غیر مستقیمو خبرو اترو د دوام په اړه د موافقې په پام کې نیولو سره، عمان به دا مهم رول لوبولو ته دوام ورکړي.»
د پیغام پای/
Your Comment