د اسیرانو د سپارلو په وخت کې د القسام د ځواک نمایش/ حماس اسرائیلو ته سخت رواني ضربه ورکړه

د ایرنا خبري اژانس د راپور له مخې، رای الیوم نن د سلواغه د میاشتې په ۲۸ نیټه په یوه مقاله کې د صهیونیسټی اسیرانو د سپارلو مراسمو ته په اشارې سره ولیکل: د غزې په تړانګه کې له جنګه د اسرائیلو په وړاندې د فلسطین داستان غالب دی او د دې ستر ثبوت دا دی چې په دغه سیمه د صهیونیسټ رژیم له وحشیانه حملو یو کال او څلور میاشتې وروسته د فلسطین مسئله د مقاومت په خاطر د نړۍ د توجه په مرکز کې ده.

 دغې سرچینې زیاته کړه: د دښمن د ځپلو لپاره تر ټولو غوره وسله، رواني جګړه او د مهارت لوړوالی، له جګړې پرته د دښمن ځپل دي. د غزې په تړانګه کې د حماس له اشغالګرو سره د پوځی ماتې سربیره د مطبوعاتو او تبلیغاتو په ډګر کې په تیره بیا د صهیونیسټی اسیرانو د سپارلو په مراسمو کې اشغالګرو ته مرګونی ګوزار ورکړ.

 د دغې رسنۍ په وینا، د دې مراسمو ترسره کېدل او په ترڅ کې یې د مقاومت له لوري ترسره شویو اقداماتو د اشغالګرو غوسه راپارولې او د بندیانو د تبادلې د تړون لپاره یې دروند قیمت ادا کړی و.

 په دې اړه د «۱۱ ورځو په غزه کې» د کتاب لیکوال «ګادی عیزرا» وویل: د اسرائیلي بندیانو له سپارلو څخه د حماس هدف د نړیوالې ټولنې، د غزې د خلکو او د اسرائیلو پر احساساتو اغېز کول وو. حماس په یوه پلان شوي عمل سره درې ډلې په نښه کړې، لومړی نړیواله عامه افکار، دویم د غزې د خلکو او دریم د اسراییلو عامه افکار.

 له بلې خوا د صهیونیسټی رسنیو «معاریو» شنونکی «لیلاخ سیګان» هم وویل: په غزه کې د ښځینه بندیانو د سپارلو صحنې د هغه روحی فشار ښودنه کوی چې حماس په اسرائیلو باندې کوی او دا ډیر پرمختللی حد ته رسیدلی دی. د حماس رسنۍ په دې برخه کې د ډیرو لویو عربي شبکو او همدارنګه د لویدیځو رسنیو ملاتړ لري.

 هغه زیاته کړه: په غزه کې سور صلیب ته د ښځینه بندیانو د سپارلو صحنې داخلی او خارجی اغیزې لری او لومړی یې دا دی چې حماس د غزې د کنټرول په ترلاسه کولو کې خپل قوت ښکاره کوی او ویډیوګانې ښئ چې د جنګیالیو له خوا له ښځینه بندیانو سره د الوداع په وخت کې ښه چلند کیږی. دوی په عربي ژبه د جنګیالیو مننه کوي او موسکا کوي او د سوغات کڅوړې اخلي. د هرې ویډیو تولید تر شا، لیدونکي او هدف شتون لري.

 سیګان ادامه ورکړه: د دې ویډیو فایل په واسطه، حماس هڅه کوي د وروستي جنګ په اړه خپل بیانات رامینځته کړي او اسراییلو ته یو رواني ګوزار ورکړي.  هغه ستونزه چې موږ ورسره مخ یو دا دی چې حماس غواړي موږ د اکتوبر د اوومې برید په خوب کې وساتي.

 دغه صهیونیسټی شنونکی زیاته کړه: د ښځو د بندیانو د سپارلو د مراسمو صحنې د حماس له روحی جنګ سره سمون لری او د اسرائیلو په احساساتی او معنوی کړاوونو کې اچوی. هغه څه چې مهم دي دا دي چې موږ د بشپړې بریا له بیانیې څخه خلاص شو او یا دا ټینګار چې یوازې نظامي فشار کولی شي حماس او خوشې شوي بندیان مات کړي، ځکه چې دا بې ګټې ثابت شوي.

 ایرنا خبری اژانس وایی دصهیونیسټ رژیم او دفلسطین دمقاومت ترمینځ د صهیونیسټانو له ژمنو د سرغړونې له امله له یوې اونۍ کړکیچ وروسته د بندیانو د تبادلې شپږم پړاو د شنبې په ورځ ترسره شو.  د موافقې له مخې ۳ صهیونیسټان او څه باندې ۳۶۰ فلسطینیان ازاد شول.

 د شهید عزالدین القسام کنډک یوې سرچینې د شنبې په ورځ الجزیرې ته وویل چې دغه بندیان به له یوه صهیونیسټي موټر سره چې د ۲۰۲۳ کال د اکتوبر په اوومه نیول شوي وو، وسپارل شي.

 دغې سرچینې زیاته کړه: القسام صهیونیسټي اسیر «ساګي دیکل حن» ته د سرو زرو یوه ټوټه د خپلې لور د ورکولو لپاره ورکړه. دغه ماشومه د صهیونیسټانو د اسارت په څلورمه میاشت کې زیږیدلې وه.

 په عین حال کې خبری سرچینو خبر ورکړی دی چې د فلسطین مقاومت د بندیانو د سپارلو په ځای کې لس میله وسلې نندارې ته وړاندې کړې چې د سرایا القدس (د اسلامی جهاد غورځنګ پوځی څانګه) او د شهید عزالدین القسام کنډکونو (د حماس د غورځنګ پوځی څانګه) د الاقصی د طوفان د جنګ په وخت کې نیولی دی.

د پیغام پای/